Saturday, September 20, 2014

'ఆగడు' స్పీడు 'దూకుడు'ను మించుతుందా... ఆగడు రివ్యూ రిపోర్ట్

aagadu review
ఆగడు నటీనటులు : మహేష్‌ బాబు, తమన్నా, రాజేంద్రప్రసాద్‌, బ్రహ్మానందం, నాజర్‌, తనికెళ్ళ భరణి, సోనూసూద్‌, ఆశిష్‌ విద్యార్థి, ఎం.ఎస్‌. నారాయణ, బ్రహ్మాజీ, అజయ్‌, వెన్నెల కిశోర్‌, పోసాని, ముంతాజ్‌
 
టెక్నికల్‌
కెమెరా: కె.బి. గుహన్‌, సంగీతం: ఎస్‌ఎస్‌ థమన్‌, ఆర్ట్‌: ఎ.ఎస్‌. ప్రకాష్‌, మాటలు: ఉపేంద్ర మాధవ్‌, అనిల్‌ రావిపూడి, రచన సహకారం: ప్రవీణ్‌ వర్మ, ఫైట్స్‌: విజయ్‌, నిర్మాతలు: రామ్‌ ఆచంట, గోపి ఆచంట, అనిల్‌ సుంకర, కథ, స్క్రీన్‌ప్లే, మాటలు, దర్శకత్వం: శ్రీనువైట్ల.
 
మహేష్‌ బాబు సినిమా అంటే ప్రేక్షకుల్లో క్రేజ్‌ వుంటుంది. '1' నేనొక్కడినే సినిమా కూడా కొత్తగా వుంటుందని దర్శక నిర్మాతలు చెప్పారు. విడుదలయ్యాక.. ఆ చిత్రం తెలుగు ప్రేక్షకుల అంచనాలకు దొరకలేదు. ఆ తర్వాత అదే నిర్మాతలు నిర్మించిన 'ఆగడు' కూడా మహేష్‌ ఎందులోనూ ఆగడు. పోలీసు పాత్రే చేసినా.. అతనికి ఎదురుండదని అదే టైటిల్‌ అని చెప్పారు. ఏ హీరో సినిమా అయినా పూర్తి ఎంటర్‌టైనర్‌గా తీర్చిదిద్దడం దర్శకుడు పని. దూకుడులో శ్రీనువైట్ల అలానే చేశారు. అయితే మళ్ళీ అటువంటి ప్రయత్నం చేయదలచి మహేష్‌ను కొత్తగా చూపించేట్లు చేశాడు. కానీ ఆ ప్రయత్నాన్ని ప్రేక్షకులు ఆదరిస్తారో లేదో అని మొదటి నుంచి ఇండస్ట్రీలో అనుమానం వుండేది. మరి అది నిజమైందా? శ్రీను వైట్ల ఏం చేశాడు? అనేది తెలుసుకుందాం.
 
కథ : 
కథ చెప్పేటప్పుడు గబ్బర్‌సింగ్‌ స్టోరీ గుర్తు తెచ్చుకుంటే బెటర్‌. చిన్నతనంలోనే చురుగ్గా వుండేవాడు శంకర్‌. అతనో అనాథ. పోలీసు ఇన్‌స్పెక్టర్‌ అతని చురుకుదనం చూసి తన కొడుకుగా పెంచుకుంటాడు. పెద్దవాడని సర్కిల్‌ ఇన్‌స్పెక్టర్‌ అయి ఎన్‌కౌంటర్‌ శంకర్‌గా పేరు తెచ్చుకుంటాడు. బొక్కాపట్నం అనే ఊరిలో ప్రాజెక్ట్‌ల పేరుతో సామాన్యుల జీవితాలతో ఆడుకునే సోనూసూద్‌ బ్యాచ్‌ ఆగడాల్ని ఏ పోలీసు అరికట్టలేడు. అక్కడికి వృత్తిరీత్యా శంకర్‌ వస్తాడు. సోనూసూద్‌ అనుచరగణం చేసే అసాంఘిక కార్యక్రమాలను తన చాకచక్యంతో బ్రేక్‌ వేస్తాడు. చివరగా సోనూసూద్‌ ఆగడాల్ని అరికట్టాలంటే ఢిల్లీ సూరి(బ్రహ్మానందం)ను బకరాగా వాడుకుని అడ్డుకట్టవేస్తాడు. అసలు ఢిల్లీ సూరి కథేమిటి? పోలీసుగా శంకర్‌ చేసిన చాకచక్యాలేమిటి? అనేవి మిగిలిన సినిమా.
 
పెర్‌ఫార్మెన్స్‌ 
నటనాపరంగా మహేష్‌బాబు కొత్తలుక్‌తో కన్పిస్తాడు. కాలేజీ కుర్రాడిలా కాస్త వళ్లు తగ్గినట్లు కన్పిస్తుంది. అయితే పోలీసుగా వుండాల్సిన బాడీ పోకిరిలోనే బాగుంటుంది. ఇందులో ఎక్కువగా మాట్లాడే పాత్ర ఏమయినా వుందంటే అది మహేష్‌ బాబే. సోనూసూద్‌ నటనాపరంగా మామూలుగానే చేసేశాడు. బ్రహ్మానందం రొటీన్‌గా అగ్రహీరోల చిత్రాల్లో వేసే ఆటలో అరటిపండులా నటించాడు. రాజేంద్రప్రసాద్‌ మహేష్ తండ్రిగా సెంటిమెంట్‌ పండించాడు. ఊరిలో మిఠాయి దుకాణం నడిపే కుటుంబంగా తనికెళ్ళ భరణిది. ఆయన కుమార్తెగా సరోజ(తమన్నా) నటించింది. పోలీసు అనుచరులుగా బ్రహ్మాజీ, వెన్నెల కిశోర్‌ తదితరులు నటించారు. ఐటం గాళ్‌గా శ్రుతిహాసన్‌ మెరుస్తుంది. 
 
టెక్నికల్‌గా... 
కెమెరా పనితం బాగుంది. సంభాషణల పరంగా ఈ చిత్రం ప్రత్యేకంగా చెప్పుకోవాలి. పంచ్‌ డైలాగ్‌ల పేరుతో ఒక దశలో బోర్‌ కొట్టించేశాడు. గతంలో శ్రీను వైట్ల చిత్రమంటే కోన వెంకట్‌, గోపీమోహన్‌ బ్యాచ్‌ వుండేది. ఇప్పుడు వారితో వున్న వ్యత్యాసంతో కొత్తవారితో రాయించారు. ఒకటిరెండు సార్లు పంచ్‌డైలాగ్‌లు, విలన్లు చెప్పే కథలు బాగుంటాయి. అదేపనిగా సినిమా అంతా అయ్యేసరికి విసుగు కల్గుతుంది. సెకండాఫ్‌లో దర్శకుడు చేసిన తప్పిదమే అదే. స్క్రీన్‌ప్లే పరంగా మొదటిభాగం చాలా సరదాగా సాగుతుంది. రెండో భాగంలో కథ భారీగా మారి గందరగోళంగా వుంది. ఎడిటింగ్‌కు చాలా పనే వుంది. డాన్స్‌పరంగా సోసోగా వున్నాయి స్టెప్‌లు. సంగీతపరంగా థమన్‌ 50వ చిత్రమైనా.. కొత్తగా ఏమీ అనిపించదు. రెండు పాటలయితే అవి ఏమిటో కూడా చెవులు నిక్కించి విన్నా అందులోని పదాలు అర్థంకావు. 
 
విశ్లేషణ 
మహేష్‌ సినిమాలంటే సింపుల్‌ డైలాగ్‌తో.. సింపుల్‌గా పంచ్‌లతో యాక్షన్‌ ఎంటర్‌టైనర్‌గా చూపిస్తే ఫ్యాన్స్‌కు పండుగే. 'డిక్కీ బలిసిన కోడి చికిన్‌ షాప్‌కు వచ్చి తొడకొట్టిందట...' విలన్స్‌నుద్దేశించి మహేష్‌ అనే డైలాగ్‌.. ఇలా సినిమా మొత్తం చాలాసార్లు పంచ్‌ డైలాగ్‌లు వుంటాయి. దానికి తోడు విలన్లు తన గ్రిప్‌లో పెట్టుకునేందుకు పిట్టకథలు చెబుతాడు. అవికూడా తన యాక్ట్‌ చేసిన పలు సినిమా కథలే చెబుతాడు. అయితే ఒకటిరెండుసార్లకు బాగుంటుంది. అదేపనిగా చెప్పడంతో మహేష్‌బాబు స్పీచ్‌ ఇచ్చినట్లుంది. దాంతో అసలుకే ఎసరు వచ్చేసింది.
 
ఇక కథగా చూసుకుంటే.. పోలీసు కథ మామూలే. విలన్‌ అరాచకాలను సిన్సియర్ పోలీసు అధికారి అడ్డుకోవడం. దానికి ఇద్దరిమధ్య వార్‌.. గబ్బర్‌సింగ్‌లోనూ అన్నదమ్ముల కథ. ఇదికూడా డిటోనే. కానీ ఇందులో మహేష్‌ అన్న కలెక్టర్‌ అవుతాడు. అందులో రౌడీల పంచన చేరతాడు. ఫాదర్‌, మదర్‌, సోదరుని సెంటిమెంట్‌ అందులో వర్కవుట్‌ అయింది. కానీ ఆగడులో అన్న, తండ్రి సెంటిమెంట్‌ వున్నాయి. అయితే అవి చెప్పే విధానంలో కొత్తగా చెబుతూ.. ట్రాక్‌ మారాడు శ్రీనువైట్ల. హీరోయిన్‌ పరిచయం, లవ్‌లోకి లాగడం కూడా గబ్బర్‌సింగ్‌ ట్రాక్‌ గుర్తుకువస్తుంది. ఒక సినిమాతో పోల్చడమే ఈ చిత్రానికి మైనస్‌.
 
కాగా, ఎంటర్‌టైన్‌మెంట్‌ కోసం.. గేమ్‌ షోలు ఆడటం చిత్రంలోని ప్రత్యేకత. 'మీలో ఎవరు కోటీశ్వరుడు' తరహా చిన్నపాటి సరదా పారడీ కూడా ఇందులో వుండటం విశేషం. ఒక్క ముక్కలో చెప్పాలంటే ఎలుక కలుగు లోంచి రావాలంటే ఉల్లిగడ్డ గాలంగా వేస్తాం. హీరో కూడా విలన్లను దారిలోకి తెచ్చేందుకు తనకు తెలిసిన కథల ఫార్మెట్‌ను వినియోగిస్తాడు. దర్శకుడు కూడా ఇళ్ళల్లో వుండే ఆడియన్స్‌ను థియేటర్‌కు తెచ్చేందుకు నానా తంటాలు పడ్డాడు. కానీ అది మోతాదు ఎక్కువై.. వెగటు పుట్టే ప్రమాదమూ వుంది. ఏవరేజ్‌గా సాగే ఈ సినిమాను దసరా వరకు మరే సినిమా లేకపోవడంతో ప్రేక్షకులు చూసినా ఆశ్చర్యంలేదు.

Sunday, August 31, 2014

సినిమా రివ్యూ: రభస


సినిమా రివ్యూ: రభస
ప్లస్ పాయింట్స్:
జూనియర్ ఎన్టీఆర్ పెర్ఫార్మెన్స్
సమంత, ప్రణీత గ్లామర్,
బ్రహ్మానందం కామెడీ
 
మైనస్ పాయింట్స్:
రొటిన్ కథ, పేలవమైన కథనం
మితిమీరిన ఫైట్స్
 
ఓ అమ్మాయి ప్రేమను కాపాడే పయత్నంలో మరో అమ్మాయి పెళ్లి ఆగిపోవడానికి కారణమవుతాడు కార్తీక్(జూనియర్ ఎన్టీఆర్). తన తండ్రి(నాజర్) అవమానించిన తన మేనమామ ధనుంజయ్ (షియాజీ షిండే) బుద్ది చెప్పి, తన తల్లి కోరిక మేరకు తన మరదలు చిట్టి అలియాస్ ఇందు(సమంత)ను పెళ్లి చేసుకోవాలని హైదరాబాద్ చేరుకుంటారు. తన మరదలు అని తెలియకపోవడంతో మొదటి కలయికలోనే ఇందు,కార్తీక్ ల మధ్య విభేదాలు చోటు చేసుకుంటాయి. తన మరదలిని ప్రేమలోకి దించే ప్రయత్నంలో భాగ్యం(ప్రణితి)ను ఇందుగా భావించి ప్రేమలోకి దింపుతాడు. కార్తీక్ చెడ్డవాడు అనే భావనలో ఉన్న ఇందు..వారిద్దరి విడగొడుతుంది. భాగ్యంతో ప్రేమను విడగొట్టిన ఇందు అప్పటికే తనకు తెలియని వ్యక్తితో ప్రేమలో పడుతుంది. తనకు ఇష్టం లేని పెళ్లి చేస్తున్న తన తండ్రి ప్రయత్నాలకు దూరంగా పారిపోవడానికి కార్తీక్ తో ప్రేమలో ఉన్నట్టు నాటకం ఆడుతుంది. కథ ఇలా నడుస్తుండగా.. పెద్దిరెడ్డి (జయప్రకాశ్) ఓబుల్ రెడ్డి (అజయ్)ల గ్యాంగ్ కార్తీక్ కోసం వెదుకుతుంటారు. ఓదశలో కార్తీక్, ఇందులు పెద్దిరెడ్డి ఇంట్లోకే చేరుతారు. తనను వెతుకున్న విలన్ల ఇంటికి చేరిన కార్తీక్ ఏం చేశాడు. ఇందు తన మరదలే అని తెలుసుకున్నాడా? తెలియని వ్యక్తితో ప్రేమలో పడిన ఇందు తన ప్రేమికుడిని కలుసుకుందా? పెద్దిరెడ్డి, ఓబుల్ రెడ్డిలు కార్తీక్ ను ఎందుకు వెతుకుతున్నారు? అయితే ఇందు తన మరదలు అని తెలుసుకుంటాడా? తన కారణంగా ఓ అమ్మాయి పెళ్లి ఆగిపోయిందని తెలుసుకున్న కార్తీక్ ఏం చేశాడు? తన మామ ధనుంజయ్ ను ఎలా కన్విన్స్ చేసి ఇందును పెళ్లి చేసుకున్నాడా? అనే పలు ప్రశ్నలకు సమాధానమే 'రభస'
 
 
ప్రేమికుడిగా, ఆపదలో ఉన్న వారిని ఆదుకునే ఓ వ్యక్తిగా, తన తల్లిని మాటను తీర్చే కోడుకుగా, పగ ప్రతీకారంతో రగిలిపోతున్న రెండు ఫ్యాక్షన్ల కుటుంబాలను కలిపే మనసున్న మనిషిగా, తన మేనమామకు తగిన గుణపాఠం నేర్పే అల్లుడిగా.. పలు విభిన్న షేడ్స్ ఉన్న కార్తీక్ పాత్రలో జూనియర్ ఎన్టీఆర్ కనిపించడమే కాకుండా పూర్తిగా న్యాయం చేశాడు. గత కొద్దికాలంగా సరైన హిట్ లేని.. జూనియర్ ఎన్టీఆర్.. ప్రయోగాలకు చోటివ్వకుండా చాలా సేఫ్ గా తగిన జాగ్రత్తలు తీసుకున్నట్టు కనిపిస్తుంది. ఎప్పటిలానే ఫైట్స్, డ్యాన్స్, అభినయం, ఎమోషనల్ సీన్లలో మెప్పించాడు. 
 
సమంత పాత్ర ప్రధానంగా గ్లామర్ కే పరిమితమైన, కీలక సన్నివేశాల్లో పర్వాలేదనిపించింది. ప్రణీత రెండో హీరోయిన్ గా కనిపించి.. కథానుగుణంగా కనిపించి మాయమవుతుంది. ప్రణీత కెరీర్ కు పెద్గగా ప్లస్ అవుతుందని చెప్పడం కష్టమే. 
 
రాజు పాత్రలో కనిపించిన బ్రహ్మనందం రోటిన్ కారెక్టర్ అయినప్పటికి.. ద్వితీయార్ధంలో సినిమా భారాన్ని తనపైనే వేసుకున్నాడు.  ఫైట్స్ తో విసిగించే సమయంలో రాజుగా ఎంట్రీ ఇచ్చి.. ప్రేక్షకులకు బ్రహ్మనందం కొంత రిలీఫ్ కలిగించాడు. 
 
జయప్రకాశ్, నాగినీడు, అజయ్, షియాజీ షిండే, నాజర్, జయసుధలు తమ పాత్రల పరిధిమేరకు పర్వాలేదనిపించారు. 
 
సాంకేతిక నిపుణులు పనితీరు:
సాంకేతిక విభాగంలో ముఖ్యంగా శ్యామ్ కే నాయుడును అందించిన ఫోటోగ్రఫి బాగుంది. లోకేషన్లు ఆందంగా చిత్రీకరించి.. రభసకు అదనపు ఆకర్షణగా మారారు. ఈ చిత్ర నిడివి సుమారు 2 గంటల 40 నిమిషాలకు పైనే ఉంది. ఎడిటింగ్ విభాగంలో కోటగిరి వెంకటేశ్వరరావు మరింత పదను పెట్టాల్సిందే. ఓ రెండు పాటలు మినహా తమన్ ప్రభావవంతమైన సంగీతాన్ని అందించలేదనే చెప్పవచ్చు. ఎమోషన్ సీన్స్ లో నేపథ్యం సంగీతంగా అంతగా ఆకట్టుకునే విధంగా లేదనిపిస్తోంది. 
 
'కందిరీగ' చిత్రంతో ప్రేక్షకులను మెప్పించిన సంతోష్ శ్రీనివాస్ రభస కథ, కథనాన్ని చాలా కాంప్లికేటెడ్ పంథాలోనే కొనసాగించాడు. అనేక ట్విస్టులు, గందరగోళంగా ఉండే కథనంతో ప్రేక్షకుడిని అక్కడక్కడా కన్ ఫ్యూజ్ చేస్తుంది. కథాగమనంలో అనేక మలుపులు సహజంగా ఉన్నట్టు ఎక్కడా అనిపించదు. కేవలం కమర్షియల్ ఆంశాలను బేరిజు వేసుకుని కథ, కథనంపై దృష్టిపెట్టారనేది సగటు ప్రేక్షకుడికి అర్ధమవుతుంది. అయితే తొలిభాగంలో ఓపెన్ చేసిన ట్విస్టులకు ద్వితీయార్ధంలో క్లోజ్ చేసిన తీరు, విధానాన్ని మెచ్చుకోవాల్సిందే. చిత్ర ద్వితీయార్ధంలో తీసుకున్న కొన్ని జాగ్రత్తలు దర్శకుడి ప్రతిభకు అద్దపడుతుంది. ప్రస్తుత పరిస్థితులకు తగినట్టుగా ఎలాంటి ప్రయోగాలకు చోటివ్వకుండా టాలీవుడ్ సక్సెస్ ఫార్ములాతో కథను పట్టాలెక్కించి.. సేఫ్ గా గమ్యాన్ని చేర్చేందుకు చేసిన ప్రయత్నం కొంత వర్కవుట్ అయింది. జూనియర్ ఎన్టీఆర్ అభిమానులను, సగటు ప్రేక్షకులను ఉర్రూతలూగించే చిత్రంగా కాకుండా.. ఓ రకమైన సంతృప్తిని కలిగించే చిత్రంగా 'రభస' రూపొందింది. బీ,సీ సెంటర్లలో ప్రేక్షకులు ఆదరణపైనే రభస సక్సెస్, కమర్షియల్ గా ఏరేంజ్ లో వర్కవుట్ అయిందనే అంశాలు అధారపడి ఉన్నాయి. 
-రాజబాబు అనుముల
http://www.sakshi.com/news/movies/rabhasa-movie-revies-run-of-the-mill-story-162277

Wednesday, July 16, 2014

Rabhasa's audio to be launched on July 27



Rabhasa's audio to be launched on July 27
The principal shooting of NTR Jr's upcoming film, Rabhasa is fast nearing completion. Currently, a song is being filmed on the lead pair in Switzerland and with this, almost the entire film's shooting will be wrapped up. The latest news is that the audio will be launched in a grand manner in Shilpa Kala Vedika on July 27 in Hyderabad. Santosh Srinivas has directed the film and Bellamkonda Srinivas has produced it. Samantha and Pranitha Subhash are the lead actresses in this mass entertainer. Thaman has scored the music and recently, Thaman revealed that NTR Jr himself has sung a song, Rakshasi Rakshasi in the film. More details about the film are expected to be revealed soon.

Thursday, July 10, 2014

నేనడిగింది లేదంటావా... శ్రుతి హాసన్ మూడ్ అవుట్... కేకలు

ఒక్కో సంఘటన చూస్తుంటే సామెతల్లో ఎంత సత్యం ఉందో అర్థం అవుతుంది. ఇందుకు నటి శ్రుతిహాసన్ ప్రవర్తన తాజా ఉదాహరణ. ప్రస్తుతం దక్షిణాదిలోనే కాకుండా ఉత్తరాదిలోనూ ఈ బ్యూటీ క్రేజీ హీరోయిన్. అలాంటి సెలబ్రిటీ స్టార్ ఎప్పుడూ ఏదో ఒక వివాదంలోనూ, సంచలన సంఘటనలతోనూ వార్తల్లోకెక్కడం పరిపాటిగా మారిందనే ప్రచారాన్ని కొట్టివేయలేం. ఆ మధ్య హిందీ చిత్రం డీ డేలో మితిమీరిన శృంగారాన్ని ఒలకబోసి సినీ విమర్శకుల నోళ్లకు పని చెప్పారు. మరోసారి ఓ ఆగంతకుడు హద్దులు మీరిన అభిమానం చూపించడంతో శ్రుతిహాసన్ కలకలం సృష్టించారు.
Shruti hassan
ఇటీవల ఒక  తెలుగు నిర్మాత తన అనుమతి లేకుండా తన గ్లామరస్ ఫొటోలను నెట్‌లో ప్రచారం చేశారంటూ ఆగ్రహం వ్యక్తం చేసి ప్రచారం పొందారు. తాజాగా ఒక సేల్స్‌మన్‌తో లడాయికి దిగి తన అహం వెళ్లగక్కిన సంఘటన విస్మయానికి గురి చేసింది. అదేంటో చూద్దామా! 
శ్రుతిహాసన్ ఇటీవల చెన్నైలో ఒక షాపింగ్‌మాల్‌కు వెళ్లారు. తన మేకప్‌లకు చెందిన కొన్ని వస్తువులు కావాలని అడిగారు. సేల్స్‌మన్ మేకప్ సామగ్రి లేదని బదులిచ్చాడు. ఆగ్రహించిన శ్రుతి ఆ సేల్స్‌మన్‌ను నోటికొచ్చినట్లు తిట్టేశారు.
రెగ్యులర్ కస్టమర్ షాప్‌నకు వచ్చి ఒక వస్తువు కావాలని అడిగితే అది ఉందో? లేదో కూడా చూడకుండా గుడ్డిగా లేదంటావా, నీ వల్ల కాకపోతే వేరే సేల్స్‌మన్‌తో చెప్పి తీసుకురమ్మని చెప్పవచ్చుగా అంటూ చెడామడా తిట్టేశారు. షాక్‌కు గురైన సేల్స్‌మన్ కొంతసేపటికి తేరుకుని ఏమి చేయాలో తెలియక అక్కడ నుంచి వెళ్లిపోయాడు. విషయమేమిటంటే శ్రుతిహాసన్ అడిగిన మేకప్ సామగ్రి నిజంగానే ఆ షాపులో లేవట. మూడ్ అవుట్‌లో ఉండటం వలనే శ్రుతి అలా ప్రవర్తించారని తెలిసింది.

హంస చిందేస్తే సినిమా సూపర్‌హిట్టే

 
హంసానందిని.. పేరుకు తగ్గట్టు అందమైన రూపం, అదిరిపోయే డ్యాన్సు. దానికి తోడు ఆమె ఒక్క సాంగ్ లో కనిపించిన చిత్రాలన్నీ హిట్టు.  ప్రభాస్ ‘మిర్చి'  చిత్రం‌లో టైటిల్ సాంగ్ లో హాట్ మిర్చీగా కనిపించిన హంసానందిని ఆ తర్వాత అత్తారింటికి దారేది, లెజెండ్, సినిమాల్లో కూడా స్పెషల్ సాంగ్స్ లో కనిపించింది. ఆ సినిమాలన్నీ సూపర్ హిట్ చిత్రాలుగా నిలిచాయి.
 
తెలుగు సినిమాల్లో సెంటిమెంటుకు ఎంత ప్రాధాన్యత వుంటుందో అందరికీ తెలుసు. ఇప్పుడు ఇదే సెంటిమెంటు అంతటా చర్చగా మారింది. ఈ లక్కీ గర్ల్ ఐటం సాంగ్ లలో కనిపిస్తే ప్రేక్షకలు అదరహో అంటూ వుండటము, వరుసగా చిత్రాలన్నీ విజయాలు సాధించడంతో ఈ భామకు గోపీచంద్ నటిస్తున్న తాజా చిత్రంలో కూడా అవకాశం ఇచ్చారట.  ముమాయత్ ఖాన్ సినిమాల్లో ఎక్కువగా కనిపించటం మానేసిన తర్వాత తెలుగు సినిమాల్లో ఐటం గర్ల్ స్థానాన్ని హంసానందిని భర్తి చెయ్యగలదని అనుకోవచ్చు. రియల్ స్టార్ శ్రీహరి ఆఖరి చిత్రం ‘రియల్ స్టార్’ లోనూ హంసా తన స్టెప్పులతో అదరగొట్టిందట.

Thursday, June 26, 2014

అప్సెట్ అయిన నమిత అభిమానులు



తమిళనాట అభిమానులు గుడి కట్టి మరీ ఆరాధించే హీరోయిన్లలో ఒకరు నమిత. నమిత అభిమానుల గురించిన వార్తలు అప్పుడప్పడు ఆశ్చర్యపరుస్తుంటాయి. సినిమాలలో నమిత ఇప్పుడు ఎక్కువగా కనిపించకపోయినా అడపాదడపా తమిళనాడులో పబ్లిక్ అప్పియరెన్సులు మాత్రం ఇస్తోంది. ఈ మధ్య అలా ఆమె వెళ్లిన ఒక నాటక కార్యక్రమంలో అభిమానుల హడావిడి ఎక్కువై స్టేజి కూలిపోయింది. ప్రమాదంలో నమితకు ఏం కాకపోయినా మూడు అంబులెన్సులు మాత్రం ఆమె సహాయార్ధం వచ్చి నిలిచాయి.
 ఇదలా వుంచితే తాజాగా తమిళనాడు నామక్కల్‌లో నమితతో ఆటపాట  మీలో ఎవరు లారెన్స్ అనే ప్రోగ్రాం ఏర్పాటు చేశారు. నమిత అనే సరికి వేలాదిగా జనం ఈ కార్యక్రమంలో పాల్గొనడానికి హాజరయ్యారు. రాత్రి 8 గంటలకు కార్యక్రమం మొదలైనా, 10 గంటలవరకు నమిత జాడలేదు. చివరకు హెల్త్ అప్సెట్ అయి ఆమె రాలేకపోతోందని అనౌన్స్ చేశారు నిర్వాహకులు. దీంతో అభిమానులు కూడా బాగా అప్సెట్ అయి నానా రభస చేశారట. అంతే కాదు ఇది పచ్చి మోసం అంటూ పోలీసులకు కూడా కంప్లైంట్ చేశారట కార్యక్రమానికి వచ్చినవారు.

Saturday, June 14, 2014

హీరో లకు ఈ జబ్బులేంటి

హైదరాబాద్ : వైవిధ్యమున్న పాత్రలు అంటే హీరోలకు ఏదో ఒక మానసిక జబ్బు ఉండి, వాటితో ఇబ్బందిపడటమేనా...పరిస్ధితి చూస్తుంటే దర్శకులు,హీరోలు అదే నమ్ముతున్నట్లు ఉంది. సూర్య చిత్రం గజనీ ఏ ముహుర్తాన వచ్చి, హిట్టైందో కాని అప్పటి నుంచి ప్రతీ హీరో తను మానసిక జబ్బు ఉన్న పాత్రల్లో కనపించాలని కోరుకుంటున్నారు. తాజాగా వరస ఫ్లాపులతో ఉన్న విశాల్ తన తాజా చిత్రంలో ఓ సైకలాజికల్ సమస్యతో భాధపడే వ్యక్తిగా కనిపించనున్నారు. విశాల్ హీరోగా నటించిన సినిమా 'ఇంద్రుడు'. తమిళంలో రూపుదిద్దుకున్న రొమాంటిక్ సైకలాజికల్ థ్రిల్లర్ మూవీ 'నాన్ సిగప్పు మనిదన్'కు అనువాదమిది. ఊహించని ఘటనలు కళ్ల ముందు జరిగితే ఠక్కున నిద్రలోకి జారుకునే వ్యక్తికి సంబంధించిన కథతో తెరకెక్కింది. విశాల్, లక్ష్మీమీనన్ జంటగా నటించారు. తిరు దర్శకత్వం వహించారు.హీరో లకు ఈ జబ్బులేంటి
హీరో లకు ఈ జబ్బులేంటి "విశాల్ నార్కొలెప్సీ ఉన్న వ్యక్తిగా నటించాడు. నార్కొలెప్సీ కారణంగా అతని జీవితంలో ఎలాంటి సంఘటనలు చోటుచేసుకున్నాయి? ఎటువంటి సమస్యలు ఎదురయ్యాయి? వాటిని విశాల్ ఎలా ఎదుర్కొన్నాడన్నదే ఈ సినిమాలోని ప్రధానాంశం. 'పల్నాడు' చిత్రంలో విశాల్ సరసన నటించిన లక్ష్మీమీనన్ ఈ సినిమాలోనూ హీరోయిన్‌గా నటించింది., వీరిద్దరి మధ్య ఆన్ స్క్రీన్ కెమిస్ట్రీ హాట్‌గా ఉంటుంది. కథానుగుణంగానే ఆ సన్నివేశాలను తెరకెక్కించాం'' అని దర్శకుడు తిరు చెప్పారు. విశాల్ మాట్లాడుతూ "కొత్తదనం ఉన్న కథతో పాటు మాస్ ఆడియన్స్‌ను అలరించే అంశాలెన్నో ఇందులో ఉన్నాయి. ముఖ్యంగా శత్రువుల ఆచూకి తెలుసుకుని విశాల్ ఒక్కొక్కరినీ టార్గెట్ చేసే సన్నివేశాలు ఆకట్టుకుంటాయి. తమిళంలో ఈ సినిమా విమర్శకుల ప్రశంసలూ పొందింది. కులుమనాలి, జోధ్‌పూర్, చెన్నైలో షూటింగ్ చేశాం. రెండు పాటలను విదేశాల్లో చిత్రీకరించాం. ఈ నెల 20న విడుదల చేస్తున్నాం'' అని అన్నారు. యూటీవీ మోషన్ పిక్చర్స్ సంస్థతో కలిసి విశాల్ ఈ సినిమాను నిర్మించారు. ఇనియా, శరణ్య ప్రధాన పాత్రధారులు. జి.వి.ప్రకాశ్‌కుమార్ సంగీతం అందించారు. రిచర్డ్ ఎం.నాథన్ కెమెరాను నిర్వహించారు. అత్యుత్తమ, నాణ్యమైన వార్తలను అందిస్తున్న వన్ఇండియా... ఇప్పుడు మీకోసం ఫేస్‌బుక్, ట్విట్టర్‌ ల ద్వారా మరిన్ని అప్‌డేట్స్